國際組織之存在本來就係美英強權將權力變現而成嘅可見組織，真正推動世界運轉嘅係不可見嘅國力。基督教文明接受史形成西方各地風俗，西方遺產初步落於大英帝國之手，到二戰過後開始佔有明顯優勢嘅美國自然成為世界秩序主要推手。因此美國退出國際組織，非但唔等於失去話語權，更係代表真正話語權始終執掌於美國手上，缺乏美國嘅世衛等同殘廢。香港民族除咗要知道香港問題必然會成為基督教文明制裁不義華夏之王牌，更應該思考點解呢個角色會落喺香港身上，教科書侃侃而談嘅東西交匯之城，所指嘅其實係深受英國影響嘅香港將會引爆中國解體，而日本興亞思想嘅路線調整亦會因香港獨立而發生。